Երևանի մետրոպոլիտենի հարթակում տեսանյութ է հրապարակվել, որտեղ կադրեր են երկու սիրահար զույգերի հարսանեկան արարողության մի կանկրետ հատվածից։ Երիտասարդներ Մարիամն ու Հրայրը իրենց հարսանեկան արարողության օրը դարձյալ իրենց առաջին հանդիպման վայր են գնացել։
Նրանք հարսանեկան տոնի հագուստով այցելել են մետրո, մետրոյի վագոններից մեկում լուսանկարվել, որպեսզի ամբողջական լինի նրանց սիրո պատմությունը։ Մետրոպոլիտենի հարթակում սիրահար նորապսակների պատմությունը ներկայացնող կարճ տեսանյութն այսպիսի մեկնաբանությամբ է տեղադրված։
«Հրայրն ու Մարիամը իրենց սիրո պատմությունը սկսել են մետրոպոլիտենի կայարանից։ Մի վագոն ՍԵՐ նորապսակներին։ Մետրոյում սեր կա»,- այսպես է եզրափակվում Մետրոպոլիտենի սոցհարթակում տեղադրված հրապարակումը։ Մետրոպոլիտենի սոցհարթակի հետևորդների արձագանքները շատ ջերմ են։
Շատերն են մեկնաբանություններում նորապսակներին երջանկություն և բախտավորություն մաղթել։ Մետրոպոլիտենի տեղադրած տեսանյութը, որտեղ երևում է Հրայրի ու Մարիամի սիրո գեղեցիկ պատմության մի պատառիկ, կարող եք դիտել վարը կցված նյութի մեջ։