Սասսի ջուր՝ օրգանիզմը մաքրելու համար
Այս վիտամինային ըմպելիքն իր անունը ստացել է ամերիկուհի Սինտիա Սասսից, ով հորինել է հրաշք էլիքսիրի բաղադրատոմսը:
Այս կազդուրիչ կոկտեյլը մեծ տարածում է գտել աշխարհի միլիոնավոր կանանց մոտ, քանի որ նրանք այն օգտագործելուց հետո նկատում են հիանալի արդյունքներ:
Բաղադրությունը:
2 լիտր մաքուր (աղբյուր, ֆիլտրացված կամ շշալցված խմելու) ջուր;
1 ճ․գ․ կեղևավորված և քերած կոճապղպեղի արմատ;
1 վարունգ;
10-12 անանուխի տերեւ;
1 միջին կիտրոն։
Պատրաստման և օգտագործման եղանակը.
Վարունգը և կիտրոնը կտրատել բարակ շրջանակների, մաքրել կոճապղպեղի արմատը և քերել մինչև փխրուն վիճակ դառնալը: Խառնել բոլոր բաղադրիչները և լցնել անհրաժեշտ քանակությամբ ջուր։ Խորհուրդ է տրվում նախապես ձեռքերով պատռել անանուխի տերեւները։
Ստացված ըմպելիքը 10-12 ժամով դնում ենք սառնարանի ներքևի դարակին (իդեալական տարբերակն այն է, որ երեկոյան կոկտեյլը պատրաստեք ու ամողջ գիշեր թողնել)։ Ցանկության դեպքում ջուրը կարող է զտվել։
Առավոտյան դատարկ ստամոքսին անհրաժեշտ է խմել մեկ բաժակ սասսի ջուր, մնացածը՝ օրվա ընթացքում քիչ-քիչ։
Խմիչքը չի կարող պահպանվել ջերմության մեջ՝ այն կորցնում է իր բոլոր օգտակար հատկությունները։