Հայաստանի ողջ տարածքում փետրվարի 14-ին սպասվում է առանց տեղումների եղանակ, հայտնում է Հայհիդրոմետկենտրոնը։ Իսկ փետրվարի 15-ին և 16-ին օդերևութաբաններն առանձին հատվածներում թույլ ձյուն են կանխատեսում, քամու ուժգնացում։ Հյուսիսում՝ Շիրակի մարզում, փետրվարի 14-ին ցերեկը օդի առավելագույն ջերմաստիճանը կկազմի -12 աստիճան, գիշերը կնվազի մինչև 25 աստիճան ցուրտ։ Կոտայքի մարզում ցերեկը սպասվում է -2, գիշերը՝ -13։
Գեղարքունիքում փետրվարի 14-ին ջերմաչափը ցերեկը կհասնի զրոյից 10, գիշերը՝ մինուս 24 աստիճանի։ Լոռիում և Տավուշում փետրվարի 14-ին ցերեկը սպասվում է +2 և +6, գիշերը` համապատասխանաբար -21 և -8: Արագածոտնի մարզում այս ցուցանիշը կլինի -4 և -14։ Արարատում և Արմավիրում նշված ժամանակահատվածում ջերմաչափը կբարձրանա մինչև +3, իսկ գիշերը կիջնի մինչև -12։
Վայոց ձորում օդի ջերմաստիճանը կլինի +3, գիշերը կնվազի մինչև -1։ Հանրապետության հարավում՝ Սյունիքի մարզում, փետրվարի 14-ին ցերեկը սպասվում է 3, գիշերը՝ -18 աստիճան ցրտահարություն։ Երեւանում փետրվարի 14-ի ցերեկը, ինչպես նաեւ փետրվարի 17-18-ը կդիտվի առանց տեղումների եղանակ, 15-ին եւ 16-ին քաղաքի առանձին հատվածներում հնարավոր է թույլ ձյուն։
