Այսօր տաղանդաշատ ու հանրաճանաչ արտիստներից մեկի՝ Գոռ Հակոբյանի երեսունհինգամյա տարեդարձն է։ Օրվա առիթով արտսիտը ոչ միայն շնորհավորական հրապարակումներ ու հաղորդագրություններ է ստանում, այլ նաև անձամբ հրապարակումներ է անում։
Գոռը տեղադրել է իր մանկության շրջանի լուսանկարներից մեկը՝ գրելով, որ դառնում է երեսունհինգ տարեկան։ Երեսունհինգամյա արտիստը արդեն երեք տղաների հայր է։ Նա հաջողակ շոու բիզնեսի ներկայացուցիչ է։
Գոռի մանկության հիմնական շրջանը Գյումրիում է անցել։ Նրա մանկությունը համընկել է Գյումրիի համար շատ ծանր ժամանակահատվածի հետ, որն անդրադարձել է նաև Գոռի մանկության որակի և կենցաղի վրա։
Գոռն իր հարցազրույցներում երբեմն պատմում է, որ մայրը մեծ զրկանքներով է կարողացել հոգալ զավակների հոգսերը։ Եղել են տարիներ, որ Գոռն ունեցել է հագուստի և կոշիկի խնդիր։ Հենց այդ խնդիրներն էլ մոտիվացրել են նրան, որ շատ աշխատի։
Իր անդադար աշխատանքի շնորհիվ Գոռն այսօր իր զավակներին կարողանում է ապահովել ամեն ինչով։