Երբևէ փորձե՞լ եք ծաղկակաղամբ մարինացնել…այն չափազանց համեղ է ստացվում

Ծաղկակաղմաբը հարուստ է վիատմիններով և օգտակար նյութերով, այն դրական կերպով է ազդում օրգանիզմի վրա: Առաջարկում ենք պատրաստել ծաղկակաղամբի մարինադ, և այս հրաշալի բանջարեղենը վայելել նաև ձմռանը:

Անհրաժեշտ բաղադրիչներ.

ծաղկակաղամբ՝ 2 գլուխ, մոտ 2կգ
գազար՝ 2 հատ
սխտոր՝ 100գ
բուլղարական պղպեղ՝ 2 հատ
սոխ՝ 1 հատ
կծու պղպեղ՝ 1-2 հատ յուրաքանչյուր բանկայի մեջ
սամիթի չյուղ
հատիկավոր սև պղպեղ
մեխակ
դափնետերև
քացախ 70%՝ 0,5թ.գ.
մարինադի համար.

1լ ջրին՝ 2ճ.գ. աղ, 1թ.գ. շաքարավազ

Պատրաստման եղանակ.

Սկզբում ծաղկակաղամբը բաժանել փոքր մասերի և լավ լվանալ:

Բուլղարական պղպեղը խորանարդաձև կտրատել: Ցանկալի է վերցնել տարբեր գույների պղպեղներ:

Գազարն ու սոխը կտրատել օղակաձև:

Յուրաքանչյուր ստերիլիզացված բանկայի մեջ դնել սամիթի ճյուղը, 2-3 պճեղ սխտոր, կծու պղպեղ, դափնետերև, 3-4 հատ հատիկավոր պղպեղ, 2-3 մեխակ:

Դնել ծաղկակաղամբը: Լավ սեղմել:

Բանկաների մեջ եռման ջուր լցնել և թողնել 3 րոպե՝ բանկան կափարիչով ծածկելով:

Ջուրը զգուշորեն դատարկել կաթսայի մեջ, ավելացնել աղն ու շաքարավազը, եռացնել:

Յուրաքանչյուր 1լ բանկային 0,5թ.գ. քացախ ավելացնել: Լցնել եռման մարինադը, ծածկել կափարիչով և ստերիլիզացնել: Բանկաները փակել:

Շուռ տալ և ծածկել՝ թողնելով այդ վիճակում մինչ լիարժեք սառելը:

Բարի ախորժակ: