Ավագ քահանա Անդրեյ Տկաչյովը հայկական այբուբենի մասին տեղեկությամբ զարմացրել է հանդիսատեսին` ռուսական ուղղափառ «Ցարգրադ» հեռուստաալիքի եթերում։՝
«Հայկական այբուբենի ստեղծողը սուրբ է: Մեսրոպ Մաշտոցը հսկայական բանասիրական ու հոգևորական աշխատանք է կատարել։ Ու Աստված նրան շատ հետաքրքիր բան է թելադրել։ Գեմատրիա կոչվող հասկացություն կա` դա ցանկացած բառի թվային արտահայտումն է։ Հունական, լատինական, հայկական, ռուսական, հրեական այբուբեններում ամեն տառն իր թիվն ունի», – ասել է հոգևոր հայրը:
Նրա խոսքով` թվային փոխանցմամբ բառը կազմող տառերի գումարելին համապատասխանում է Մենդելեևի աղյուսակում տարրի հերթական համարին։
Նա նշում է, որ Մեսրոպ Մաշտոցը ստեղծել է իր այբուբենն այն մարդկանց համար, որոնք Ավետարանով լուսավորվելու կարիք ունեին։
«Նախկինում այբուբենները ստեղծում էին կոնկրետ նպատակով. ոչ թե թերթեր ու խոհարարական գրքեր ընթերցելու, այլ Աստծուն ճանաչելու համար:
Նա իր այբուբենն է կազմել ու այնտեղ կա ոսկի, արծաթ, արճիճ և այլն։ Գումարում ես այդ բառերի տառերի թվային արժեքներն ու ստանում ես 79` ոսկու դեպքում, 47` արծաթի, 82` արճիճի։ Յոթ մետաղները լիովին համապատասխանում են Մենդելևի քիմիական տարրերի աղյուսակում իրենց տեղերին։ Բարեկամներ, սա ի՞նչ է։ Դրանք աստվածային բաներ են», – ասում է նա։