Արցախի անվտանգության խորհրդի նախկին քարտուղար Սամվել Բաբայանը քիչ առաջ հարվածել է ArmLur.am-ի լրագրողի միկրոֆոնին։ Կայքը գրում է. «Համացանցում օրեր առաջ լուսանկար տարածվեց, թե ինչպես են ԱԺ ՔՊ խմբակցության պատգամավորներ Անդրանիկ Քոչարյանը, Գուրգեն Արսենյանը և Արցախի անվտանգության խորհրդի նախկին քարտուղար Սամվել Բաբայանը ժպիտով, ասել-խոսելով քայլում Երևանի փողոցներում։ ArmLur.am-ն այսօր փորձեց Սամվել Բաբայանից հետաքրքրվել, թե որն էր նրանց ուրախության առիթը, սակայն ի պատասխան մեր հարցադրման, Սամվել Բաբայանը հարվածեց մեր լրագրողի միկրոֆոնին»։
